بقلم المهندس سيد السعيد مسكت ورقة وقلم قلت اخطط مصر

من طرف **Admin** الثلاثاء مايو 31, 2011 2:44 pm

بقلم المهندس سيد السعيد

مسكت ورقة وقلم قلت اخطط مصر
لاقيتنى برسم زهرة فوق غصون العصر
نبت ابيض مرعرع زينة كل قصر
زهرة شابة قوية قادرة على كل قهر
ريحتها فايحة مفتحة شامم نسيم النصر
**********
نصر جاى من بعيد بترمى فى احضانك
قومى يا مصر من تانى ورجعى امجادك
ولادك اهم قاموا ثاروا هدموا كل من شانك
ضحوا بدماهم بارواحهم وحاربوا الظلم علشانك
ولادك كرهوا ظلم حكامك خرجوا هتفوا بلسانك
ضد اللى سرقك وظلمك وشمت فيكى اعدائك
ولما شفتى ولادك انتصروا على اللى خانك
بصيتلك لاقيت الدمع ف عينك
دمع فرح نازل رمح على نيلك
***********
ولادك اهم رجعوا وكبروا ورجعوا لاحضانك
قومى واغسلى وشك بندى حريتك وشبابك
رجعتى شابة خلاص ورجعتلك ايامك
النصر اهوه جالك البسى طرحتك وفستانك
وافرحى وغنى واملى الدنيا الحانك
25 يناير هدية من كل احبابك
************
ورجعتى تانى يا مصر زهرة على غصون العصر
وعروسة كان يوم زفافها يوم سقوط القصر
وفرحتها مع ولادها وقت اكتمال النصر